Generazione 1944

Settanta anni portati bene, gioia, allegria e tanta vitalità. Una giornata trascorsa insieme alle settantenni di Amalfi, Messa a San Benedetto e Pranzo insieme.

Ecco la Poesia di Teresa Grimaldi per le sue amiche di percorso:

70 anni  Gennaio-Dicembre 1944-2014

70 anni nun sò n’a pazziella ,

hai voglia ‘e dicere ca ‘a vita è bella,

si, si ce stanno tante iurnate ‘e sole,

ma po si chiove, ato ca tempurale.

Se fa n’aria nera, nera,

e ‘o core se regna ‘e paura,

po’ basta n’a parola bbona

e se ripiglia curaggio

comme a doppo nu putiferio

nd’o mese ‘e maggio.

E ‘o mese ‘e maggio

è‘a festa d’e mamme,

ca sulo ‘a Maronna sape

iuorno iuorno che se apprepare.

‘O vonno tutte ‘a nuie,

ma che brutta annata ‘o ’44,

chiunque s’e sentuto in dovere

‘e ce fa fà ‘e scalinate

a quatto a quatto.

Simme passate da n’a dittatura a n’ata ,

primma decemmo si a mamma e pate,

po a figli , nore , ienneri e neputi,

e nun s’o manco cuntenti ,

vulessero pure n’a rendita giornaliera,

pe se liberà ‘a tutte ‘e pensieri.

Ma comme so belli tutti quanti!

E che simmo ‘e fierro?

Uhh ! Che stanchezza!

Che bella cosa è essere vecchie

tenimmo tutte ‘e scuse pe nun fa niente.

Ce ponno chiammà nulla facenti?

Ma che ce importa:

“C’è qualcosa che non va? Uee quella è la porta! Se iesce ‘a llà!!!”

Accussì ammò scuperto pure

Ca nisciuno ce lasse e se ne va,

ce girano attuorno , tenene paura ,

“Ma che succede?

Se so scaricate ‘e pile a mammà?”

“Nooooo! Stamme buone!

Nu dolore cca , na botta llà ,

ma nuie figlie d’a guerra simme toste,

a vote ‘o facimm apposta

pe ve fa preoccupà!”

Ce simme state, ce simmo

e ccà restamme, spiss ‘a vita è assai pesante,

ma pure c’’o core stracciato iamme annanzo,

mica simmo gente ‘e poco

nuie simm d’ ‘o ’44 e simmo mammme!

E pure si mbraccio nu tenimmo criature,

mamme a quaccuno ammo fatto ‘o stesso,

ma chesta è tutta n’ata storia,

simme state mamme senza gloria.

Perö quanta gioia nd+o core,

Pecchå ammo vissuto c+o coscienza

E mmö a 70 anni, quanti amici,

Affetti , sorrisi e vicinanze.

’e tutto ringraziammo  ‘a Provvidenza

Oggi stamme ccà , in allegria ,

tra nuie ce stà nà bella armonia,

e chesta ringraziammo ‘o cielo

e così sia!

(Teresa Grimaldi)

Letto 5116 volte